Израиль ХАМАС-қа қарсы соғысты қайта бастады

Израильдің ХАМАС-қа қарсы шабуылы екі айлық үзілістен кейін қайта күшіне енді, деп хабарлайды Orda.kz. 

Бұл туралы премьер-министр кеңсесі мәлімдеді. Үкімет басшысы Беньямин Нетаньяху қорғаныс министріне Газа секторындағы содырларға қарсы батыл әрекет етуді бұйырды. 

Әскери шабуыл лаңкестердің қорғаныс әлеуетін жоюға бағытталып отыр. Әрі кепілге алынғандарды босатуды көздейді. 

АҚШ-тың Таяу Шығыстағы өкілі Стив Викофф ХАМАС-тың барлық ұсыныстардан бас тартқанын мәлімдеді. Сондықтан Газа секторына атыс-шабас көбейген. Салдарынан 13 адам мерт болып, 50 адам жараланды.