Израиль әуе компаниясы Мәскеуге ұшатын рейстің бәрін тоқтатты

Израильдік El Al әуе компаниясы Шешенстанға ұшқан Azerbaijan Airlines ұшағының құлауына байланысты Мәскеуге ұшатын барлық рейстерді тоқтатты, деп хабарлайды Orda.kz. 

Соңғы ақпараттарға сәйкес, Ақтау маңына құлаған ұшақтың апатқа ұшырау себебіне Ресейдің тікелей қатысы болуы мүмкін. Сондықтан израильдік El Al әуе компаниясы Тель-Авивтен Мәскеуге ұшуды тоқтату туралы шешім қабылдағанын жариялады. Мұндай шешім Бакуден Грозныйға ұшқан ұшақ апатқа ұшырағаннан кейін қабылданды. 

Еске салайық, Reuters басылымы Әзірбайжандағы тергеумен таныс 4 дереккөзге сілтеме жасап, ұшақты ресейлік «Панцирь-С» әуе қорғаныс жүйесі атып түсіргенін хабарлады.