Израиль әскері Газа секторының орталығына жақындады

Израиль қорғаныс күштері (ЦАХАЛ) Газа секторының солтүстігінде Хамас қозғалысы мүшелерімен ауыр шайқас жүргізіп жатыр.

Израиль әскерлері Газаның орталық бөлігін қоршауға тырысып жатқан көрінеді.

The Guardian газетінің 30 қазанда жазғанындай, танктердің қолдауымен ЦАХАЛ жаяу әскері Газа секторының солтүстігінде Хамас содырларымен соғысып жатыр. Израиль армиясы құрлықтағы әскери операциясын кеңейтіп, Газаның орталығына қарай жылжып, оны қоршауға алуда.

Хамас шенеуніктері Израиль күштерімен «ауыр шайқасқа» қатысқанын растады.

Қақтығыс Палестина анклавының оңтүстігіндегі Хан-Юнис қаласының маңында да болды. Израиль танктері батыс жағалаудан Газа секторының орталығына қарай жылжыды.

Израиль тағы да Газа тұрғындарын оңтүстікке эвакуациялауға шақырды және ХАМАС-ты медициналық мекемелердің жанында командалық орталықтар құрды деп айыптады. Сондай-ақ Израиль тарапы 14 мыңға жуық адам жатқан әл-Құдс ауруханасын бір аптада екінші рет тез эвакуациялауға шақырды. Палестина Қызыл Ай әл-Құдстан науқастарды тасымалдаудан бас тартты. Өйткені эвакуация кезінде көбісі аман қалмайды деп уайымдауда.