Израиль әскері Газа секторындағы Хамас орталығын басып алды

Израиль қорғаныс күштері (ЦАХАЛ) Палестинаның Газа секторындағы Хамас бекіністерінің бірін басып алғанын хабарлады.

Әскерилер «бекініс» деп атайтын нүкте түнгі операция кезінде бақылауға алынды.

Израиль армиясының құрлық күштері кеше түнде Газа секторындағы Хамас бекіністерін басып алды. Армия есебінде бұл нүкте «цитадель» деп аталады. Сонымен қатар, Израиль әскерилері ХАМАС бақылау бекеттері, оқу-жаттығу лагерлері мен жерасты туннельдері орналасқан 450 нүктеге 24 сағат ішінде соққы берді.

ЦАХАЛ мәліметінше, жердегі операция мен атқылау кезінде қозғалыстың бірнеше командирі қаза тапқан. Жойылған содырлардың арасында Хамас арнайы операциялық күштерінің қолбасшысы Джамал Мұса да бар.

Израиль армиясының Газа секторындағы құрлық операциясы жалғасуда. Израиль билігі қазір Палестина анклавын бақылап отырған Хамас қозғалысын толығымен жоймақ ниетте.