Итті басып өткен депутат айыппұлмен құтылады

Orda.kz редакциясы Ақмола облысы полиция департаментінен Зеренді ауданы депутатының ит өлтіру фактісіне қатысты түсініктеме сұрады.

Жануарға қатыгездік көрсету оқиғасы итті қыс бойы тамақ беріп жүрген депутаттың қамқор әріптестерінің арқасында белгілі болды.

Полиция оқиғаны растады.

«Осы факті бойынша Зеренді аудандық полиция бөлімі тексеру жүргізіп, оның барысында полицейлер жануарға қатыгездік көрсеткен жүргізушіні жауапкершілікке тартқанын хабарлаймыз. Әкімшілік кодекстің 407-1 бабы бойынша (Жануарларға қатыгездік көрсету)» делінген Ақмола облысы бойынша полиция департаментінің хабарламасында.

Заңға сәйкес, бұл бап айыппұл түріндегі жаза: жеке тұлғаларға бес АЕК (18 460 теңге), лауазымды адамдарға он айлық есептік көрсеткіш (36 920 теңге) мөлшерінде.