Италия премьер-министрі су тасқынына байланысты Астана сапарын тоқтатты

Италия аймағындағы жойқын су тасқыны ондаған адамның өмірін қиды, дауылдан кейін 20-дан астам өзен арнасынан асып кетті.

Италия премьер-министрі Джорджи Мелони Хиросимадағы G7 саммитіне қатысуын тоқтатып, жоспарланған Астана сапарынан да бас тартты. Ол су тасқыны салдарынан төтенше жағдайда туындаған еліне оралды. Бұл туралы ҚР Президентінің баспасөз хатшысы Руслан Желдібай мәлім етті.

«Эмилия-Романья аймағындағы қатты су тасқынына байланысты көптеген адамдар зардап шегіп, құрбандар пайда болды.  Италия премьер-министрі Джорджио Мелони Хиросимадағы G7 саммитіне қатысуын мерзімінен бұрын тоқтатып, Италияға жоспарланған уақыттан ерте оралып,   табиға апаттан зардап шеккен аумақтарға барды. Италияның солтүстігінде кем дегенде 40 елді мекен су астында қалып, 20 мыңнан астам адам баспанасынан айырылды. Осы себепті Италия Үкіметі басшысының Астанаға бұрын жарияланған жұмыс сапары болмайды», - деді Желдібай.

Ол италиялық тарап сапарға балама ретінде Қасым-Жомарт Тоқаев пен Джордж Мелони арасында телефон арқылы сөйлесуді сұрағанын атап өтті

Соңғы күндері Италияда қатты жаңбыр жауды, деп хабарлайды The Guardian. Салдарынан жиырма бір өзен арнасынан асып, су тасып, аймақты су басты. Ең көп зардап шеккен Эмилия-Романья аймағы. Соңғы мәліметтер бойынша, 14 адам қаза тауып, 27 мың адам үйлерінен көшірілді, 36 мың адам баспанасыз қалды. Көптеген адамдар із-түзсіз жоғалғандар тізімінде.

Елде көптеген ойын-сауық шараларынан, соның ішінде осы демалыс күндері  Эмилия Романьяда өтуі тиіс Формула-1 Гран-приінен бас тартылды.