Ит иесін қорғаймын деп өліп кетті: күдікті 7 жылға дейін бас бостандығынан айырылуы мүмкін

Ер адам мен оның итіне шабуыл жасаған Алматы тұрғынына қатысты тағы бір бап бойынша іс қозғалды.

Шабуыл жасаған ер адамға әуелі "жануарларға қатыгездік" бойынша айып тағылса, енді бұзақылық жасағаны үшін (ҚР Қылмыстық кодексінің 293-бабы) сотталады. Ол үш жылдан жеті жылға дейін бас бостандығынан айырылуы мүмкін.Иесін қорғаймын деп, өлген Бобби есімді ит. Әлеуметтік желіде тараған фото

Еске салайық, оқиға қаңтар айының басында Алмалы ауданында болған. Ер адам аулада итімен жүрген досына пышақпен шабуыл жасаған. Бобби есімді үй жануары иесін қалқалап өлді, ал шабуыл жасаған адам қашып кеткен. Алайда көп ұзамай ол ұсталып, іс қозғалды. Күдіктіге ҚР Қылмыстық кодексінің 316-бабымен айып тағылды.

Белсенді Наталья Уголькова жануарлар құқығын қорғаушылар ішкі істер министрлігіне хат жазбағанда, шабуыл жасаған ер адам жазадан құтылып, тек айыппұл салынуы мүмкін еді деп есептейді.

Ал жәбірленушінің өзінің құқық қорғау органдарына ешқандай талап-арызы жоқ. Оның анасы Orda.kz тілшісіне берген сұхбатында полицияның, керісінше, өз жұмысын дұрыс атқарғанын - олар шабуыл жасаған адамды тез анықтағанын айтып отыр.