«Істікті жүрегіне сұққан»: Оқушының өлімінен кейін мектеп директоры жұмыстан кетті

Алматы облысы Долан ауылында болған оқушылар арасындағы жанжал адам өліміне ұласты. Осы жағдайдан кейін мектеп директоры қызметінен кетті, деп хабарлайды Orda.kz.

Бұл туралы ҚР Ішкі істер министрінің орынбасары Санжар Әділов айтты. Қазіргі таңда күдікті оқушы екі айға қамауға алынған. Қылмыстық іс қозғалып, жан-жақты тергеу жүмыстары жүргізіліп жатыр.

Айта кетейік, қайғылы оқиға 24 мамырға қараған түні болды. Орта мектептің 11-сынып оқушылары мектеп бітіру кешін атап өтпек болып Долан ауылының маңындағы «Dolan hills» коттеджін жалға алған.

Оқушылар көңілді кеш жайлы ата-аналарының WhatsApp чатына фотолар жіберіп, жағдайдан хабардар етіп тұрған. Алайда екі оқушы дауласып қалып, бірі екіншісіне кәуап пісіретін істікті (шампурды) сұғып алған. Оқушы оқиға орнында көз жұмды. 

Қайғылы жағдайдың егжей-тегжейін Orda.kz тілшісі дайындаған материалдан оқи аласыз.