Ислам Махачев Шавкат Рахмоновпен жекпе-жекке шығудан бас тартты

Дағыстандық UFC жұлдызы Ислам Махачев Шавкат Рахмоновпен титулдық жекпе-жек өткізбейтінін мәлімдеді, деп хабарлайды Orda.kz.

UFC 322 турнирінде Джек Делла Маддаленді жеңген Махачев енді мансабын әрі қарай жалғастыруға дайын. Оның келесі қарсыласы кім болатыны спорт сүйер қауымды қатты қызықтырады. Махачевтің айтуынша, жартылай орта салмақта мықты үміткерлер көп. Солардың ішінде Илия Топурия да бар. Ол тіпті Махачевпен жұдырықтасу үшін салмақ ауыстыруы мүмкін.

Ислам өз дивизионында жас, қауіпті спортшылар жетерлік екенін айтады:

«Менің турнирімде Моралес пен Пратес төбелесті. Екеуі де жас, екеуі де кездесуді мерзімінен бұрын аяқтады. Дивизионымыз бәсекеге толы. Кеше бұрынғы чемпион жас Йен Гэрримен жұдырықтасты. Гэрримен айқас қызық болар еді. Көреміз. Бірақ кеше ол мені таңғалдырған жоқ», – деді Ислам Махачев.

Шавкат Рахмонов туралы сұраққа егер бір спортшы ұзақ уақыт жекпе-жекке шықпаса, бірден онымен титулдық белбеу үшін айқасу мүмкін емес екенін айтып жауап қайтарды. Демек, Шавкат Рахмоновпен титулдық белбеу үшін шаршы алаңға шықпайтыны анық.

Аты аңызға айналған қазақстандық боксшы Генадий Головкин World Boxing халықаралық федерациясының президенті атанды.