Ислам банкі 50 жылдағы ең ірі қаржысын Қазақстанға бөлді

Қасым-Жомарт Тоқаев Бакуде өтіп жатқан климаттық саммитте Ислам даму банкінің президенті Мұхаммад Сулейман Әл-Джассермен тығыз ынтымақтастықты талқылады, деп хабарлайды Orda.kz.

Атап айтқанда, Қазақстанның 7 өңірінде 8 су қоймасы, 1 контрреттегіш және ұзындығы 3450 шақырым болатын 115 арнаны салу және жаңарту жоспарланған. Бұл жобалар ауыл шаруашылығының 332 мың гектардан астам алқабын тұрақты сумен қамтамасыз етеді.

Жалпы келісім сомасы 1,153 миллиард доллар, оның ішінде 3,5 миллион доллар грант ретінде қарастырылған. Бұл Ислам даму банкінің 51 жылдық тарихындағы ең ірі қаржыландыру жобасы.

Сонымен қатар, ұлттық экономика министрі Нұрлан Байбазаров Қазақстан мен Ислам даму банкі арасындағы су ресурстарын игеру жобасын қаржыландыру туралы келісімге қол қойылғанын мәлімдеді.