Ішкі істер министрінің бірінші орынбасары Марат Қожаев белсенді Айдар Сыздықовтың ұсталуы жөнінде пікір білдірді

Мәжіліс аумағында журналистер ішкі істер министрінің бірінші орынбасары Марат Қожаевтан осы істің мән-жайын сұраған, деп хабарлайды Orda.kz порталы.

«Біз тергеу шараларын жүргізіп жатырмыз. Дәлелсіз ешкім ешкімді ұстамайды. Сол себепті, белсенді дедіңіз, сотқа барады, сотта қандай дәлел болады?.. Қазір мен ол жайлы пікір білдіре алмаймын. Не үшін? Қанша? Негізі бар. Саяси белсенді деп ешкімді ұстап жатқан жоқпыз. Тек өздерінің қылықтары үшін жауапқа тартылып жатыр. Ешқандай саяси жұмыстары үшін олар қамалып жатқан жоқ», — деді ол. 

Еске салайық, Астанада белсенді Айдар Сыздықовтың ұсталғаны хабарланған. Айдар Сыздықовтың адвокаты Мейіржан Досқараев бұл ұстауды саяси қудалау деп есептейтінін айтқан.