Ішімдікке уланған 48 адам көз жұмды

Иранда ішімдіктен уланған 48 адам көз жұмды, деп хабарлайды Orda.kz. 

Иранның төрт провинциясында соңғы уақытта метил спиртінен жасалған контрафактілі алкоголь ішкен адамдардың өлімі мен улану фактісі жоғарылаған. 

Алдын ала мәлімет бойынша, метил спиртінен жасалған алкоголь өнімдерін тұтыну салдарынан көз жұмғандар мен көру қабілетінен айырылғандар саны артып келеді. 

Осы уақытқа дейін 48 адамның қайтыс болғаны белгілі болған. Олардың жартысынан астамы Мазондаранда, қалғаны Гилан, Занджан және Хамадан аймақтарында тұрған.

Қайтыс болғандар мен зардап шеккендердің қандай сусын ішкені және оны қай компания жасағаны туралы ақпарат жоқ.