Ішімдік ішкен 17 жастағы бала жол апатына түсті

25 мамыр Алматы облысы Қаратал ауданы Үштөбе қаласында 17 жастағы бозбала ішімдікке лық тойып, көлік құралын басқарған.

Ол кешкі 10-дарда жол апатына түскен. Екінші жүрзуші апат салдарынан дене жарақатын алған.

– 25 мамыр күні сағат 22:10 шамасында 17 жастағы «Ауди» көлігінің жүргізушісі мотоциклге соғылған. Екінші көлікті 20 жастағы Талдықорған қаласының тұрғыны тізгіндеген. Жол көлік апаты салдарынан мотоциклдің 20 жастағы жолаушысы зардап шекті. Ол Үштөбе қаласындағы ауруханаға жеткізілді. Анықталғандай, «Ауди» көлігінің кәмелеттік жасқа толмаған жүргізушісі орта деңгейде мас болған, - деді Алматы облыстық полиция департаментінің баспасөз қызметі.

Қазір тергеу амалдары жүргізіліп жатыр.