«Ирина Қайратовна» тобының әншісі кешірім сұрады

cover

«Ирина Қайратовна» тобының мүшесі Азамат Маркленов бейнеүндеу жасап, қазақ елінен кешірім сұрады. Концертте ішімдік ішкендерін растап, мұндай жағдай енді қайталанбайтынына уәде берді.

Айта кетейік, Алматыдағы Балуан Шолақ атындағы спорт сарайында болған концертте туға қатысты пікір білдірген Шиза есімді әнші мен «Ирина Қайратовна» тобы мүшесінің әрекеті елдің наразылығын тудырған. Бұған қатысты мемлекеттік хатшы Ерлан Қарин де пікір білдірген еді.

– Ассалаумағалейкүм, қазақ елі. Менің есімім Азамат Маркленов. Мен «Шоу Ирина Қайратовна» тобының мүшесімін. Алматыдағы соңғы концерт туралы айтқым келеді. Өзімді сахнада мәдениетсіз ұстағаным үшін, ішімдік ішкенім үшін қазақстандықтардан үлкен-үлкен кешірім сұраймын. Мойындаймын, бұл үлкен қателік. Енді қайталанбайды деп уәде беремін, - деді ол.

Жаңалықтар

барлық жаңалықтар