Иранның бірнеше қаласында күшті жарылыс болды

Өткен түні елдің бірнеше провинциясында әскери және өндірістік нысандарға шабуыл жасалды.

Шығыс Әзірбайжан провинциясының Шахид-Салими қаласында мотор майларын шығаратын ірі зауыт өртенді. Әскери қойма мен оқ-дәрі шығаратын орталыққа да ұшқышсыз ұшақтар шабуыл жасады. Куәгерлердің хабарлауынша, ел астанасы Тегеранда үкімет ғимараттарына шабуыл жасалған. Жарылыстар жаңғырығы  Исфана, сондай-ақ Хамадан, Хой, Гарах, Тебриз және Кередж қалаларында естілді.

Бәрнеше жарылыстан кейін бірден бірқатар қалаларда әуе шабуылы туралы ескерту жарияланып, интернет жоғалды. Шабуылдар ұшқышсыз ұшақтардың көмегімен жасалды. Олардың қай елге жататыны әзірге ресми түрде хабарланған жоқ. Кейбір БАҚ Израильдің бір күн бұрын күркіреген лаңкестік әрекеттерге реакция жасап жатқанын хабарлады. Алайда бұл елдің үкіметі әлі ресми мәлімдеме жасаған жоқ.

Әзірге зардап шеккендер мен жараланғандар туралы ақпарат жоқ.

Иран Қорғаныс министрлігі Исфахандағы оқ-дәрі шығаратын зауытқа ұшқышсыз ұшақпен жасалған шабуылды растады. Арабтың Al Arabiya арнасының хабарлауынша, Израиль Иранның әскери өнеркәсібін жою үшін арнайы әскери операция бастады. Израиль бұл мәлімдемеге қатысты пікір білдірмеді.