Иранға жасалған шабуыл кезінде жаңа туған нәресте мен алты бала қыршын кетті

Иранға жасалған әуе шабуылы салдарынан жеті бала, оның ішінде жаңа туған нәресте қаза болды, деп хабарлайды Orda.kz жергілікті басылымға сілтеп.      

Журналистердің мәліметінше, соққы Тегеран қаласының тұрғын аудандарының біріне әуеден жасалған.

Mehr агенттігінің хабарлауынша,  материалда айтылғандай, Иран астанасының шығыс бөлігіндегі тұрғын үй бомбалауға ұшыраған. Қаза тапқандардың арасында 10 күн бұрын дүниеге келген нәресте бар. Қалған мәліметтер әзірге жарияланған жоқ.

Бұған дейін Ислам революциясы сақшылар корпусы Иран Тель-Авив қаласына зымыран соққысын жасағанын хабарлаған еді. Бұл шабуыл Ұлттық қауіпсіздік жоғары кеңесінің хатшысы Әли Лариджани мен оның серіктерінің қаза табуына жауап ретінде жасалғаны айтылды. Мәлімдемеде зымырандар Израиль аумағындағы «100-ден астам нысанаға тигені» көрсетілген.

Оған дейін АҚШ елшілігіне Бағдад қаласында жасалған дрон шабуылын әуе қорғаныс жүйелері тоқтата алмағаны белгілі болды. Нәтижесінде ұшқышсыз ұшу аппараты дипломатиялық миссия аумағына құлаған. Келтірілген шығын туралы ақпарат жарияланған жоқ.

Осы уақытта АҚШ Ормуз бұғазы аймағындағы операцияларын күшейтті. Әрекеттер Иран күштерінің іс-қимылдарынан кейін кеме қатынасын қалпына келтіруге бағытталған. Пентагон ирандық әскери-теңіз нысандарына соққы беру үшін төмен биіктікте ұшатын шабуылдаушы ұшақтарды жұмылдырды. Сондай-ақ «Апач» тікұшақтары қолданылуда.

Оқи отырыңыз:

• Иран Лариджанидің өлімін растады, Израильге түнімен соққы жасалды — Таяу Шығыстағы жағдай
• Таяу Шығыстағы жағдай: Трамптың мың құбылуы мен жоғары лауазымды тұлғалардың өлімі
• ИРНА: Иран зымырандары Израильдің орталық аймақтарына жетті