Ирандағы Махса Аминидің туған жерінде ереуіл болып жатыр

Иранның Күрдістанындағы Секкез қаласының кәсіпкерлері ереуілге шықты. Бұл қамауға алынғаннан кейін өлімі үкіметке қарсы кең ауқымды наразылықтарға себеп болған Махса Аминидің туған жері. Франс Пресс агенттігінің хабарлауынша, Секкезде дүкендер мен қызмет көрсету орындары жабылған.

Биліктің бұл әрекетке реакциясы хабарланбады. Сенбі күні Германия канцлері Олаф Шольц Иранды наразылық шерулерін басып тастағаны үшін жаңа санкциялармен қорқытқан болатын.

Еуропалық Одақ қазірдің өзінде бірқатар санкциялар пакетін қабылдады.

 — Біздің назарымыз өз халқына жасалған зорлық-зомбылық үшін жауаптыларға бағытталған. Бұған қоса жаңа санкциялар келесі аптада қабылдануы керек. Біз Ислам революциясы Сақшылар корпусы мен саяси басшылыққа қысымды арттырғымыз келеді. Біз кінәлілерді жауапқа тарту үшін дәлелдемелерді жинау жұмысын қолдаймыз, - деген Германия канцлері Олаф Шольцтың сөзін Euronews.com келтіреді.

Ирандық құқық қорғаушылар қыркүйектің ортасынан бері наразылық шерулерін басып-жаншу кезінде кем дегенде 326 адамның қаза тапқанын мәлімдеді. Үкімет қауіпсіздік күштері арасында қаза тапқандар туралы хабарлады.

Бұған дейін Orda.kz сайты Махса Аминидің тарихы мен ирандық наразылық білдірушілер не үшін күресіп жатқаны туралы сараптама материал жариялаған болатын.