Иранда жаңа жоғарғы көшбасшы таңдалды, бірақ аты аталған жоқ

Иранда елдің жаңа жоғарғы көшбасшысы кім болатыны анықталды. Бұл туралы Mehr News Agency агенттігі Сарапшылар кеңесінің бір мүшесіне сілтеме жасап хабарлады, деп мәлімдейді Orda.kz.      

«Дауыс беру, жазбаша сауалнамалар, кеңесулер және Басшылық жөніндегі Сарапшылар кеңесі мүшелерінің көптеген отырыстарының нәтижесінде, алғашқы күндердің өзінде-ақ мүшелердің басым бөлігі лайықты әрі бұл лауазымға әбден сәйкес келетін тұлғаға тоқтады…» деп жазылған хабарламада.

Алайда Кеңес мүшелерінің көпшілігі таңдаған жаңа көшбасшының есімі әзірге жарияланған жоқ.

Иран Сарапшылар кеңесі төрағасының орынбасары Хоссейни Бушери жаңа жоғарғы көшбасшыға қатысты түпкілікті шешім жақын арада жарияланатынын айтты.

Иранның жаңа Жоғарғы көшбасшысының тегі Хаменеи болып қала береді, деп мәлімдеді аятоллалар кеңесінің мүшесі деп Sky News хабарлады.

Әңгіме қаза тапқан Әли Хаменеидің ұлы — Моджтаба Хаменеи туралы болуы мүмкін.

Дегенмен жаңалық шығысымен Трапм та қалыс қалмай,  өзінің қолдауынсыз жаңа көшбасшы ұзақ отырмайтынын әдеттегідей әлеуметтік желідегі парақшасында жариялап үлгерді. 

Қазір елді уақытша арнайы кеңес басқарады. Оған Иран президенті Масуд Пезешкиан, сот билігінің басшысы Голям-Хосейн Мохсени-Эжеи және Конституция сақшылары кеңесінің мүшесі Әлиреза Арафи кіреді.

Естеріңізге сала кетейік, Әли Хаменейдің қайтыс болғаны 1 наурызда белгілі болды. Ол американдық-израильдік зымырандардың шабуылы кезінде қаза тапты. Иранда 40 күндік аза тұту жарияланды. Кейіннен Иранның билікті транзиттеу рәсімін бастағаны белгілі болды.

Бірнеше күн бұрын Иран БАҚ-ы ықтимал мұрагерлерді талқылай бастады. Iran International басылымы Сарапшылар ассамблеясы оның ұлы Моджтаба Хаменеи таңдалуы мүмкін деп хабарлады, бірақ бұл ақпарат әлі күнге дейін  ресми расталған жоқ.

Оқи отырыңыз:  

• Иранда жоғарғы көшбасшы бойынша консенсус жарияланды
• «Бүгін Иранға өте қуатты соққы жасалады» — Трамп
• 4700-ден астам қазақстандық елге оралды