Иранда Швеция елшісін елден шығару талап етілуде

Иранда Құран өртеу әрекетіне наразылық білдірушілер Швеция елшісін елден шығаруды талап етуде.

Теһранда Стокгольмдегі Құран өртеу актісіне қарсы шеруге қатысушылар республика билігінен Швеция елшісін елден шығаруды талап етті. РИА Новости агенттігінің хабарлауынша, Иран астанасындағы шеру полиция қызметкерлері тұрған Швеция елшілігінің дәл алдында өтіп жатыр.

Наразылық білдірушілердің кейбірі «Елшілік жабылуы керек» деген жазуы бар плакат ұстап алған.

Бір күн бұрын Швецияның Ирандағы елшісі осы елдің Сыртқы істер министрлігіне шақырылып, Швецияда Құранның бірнеше рет қорлануына байланысты оған наразылық білдіріліп, айыпталғаны айтылды. Жергілікті БАҚ Ирак премьер-министрі Мұхаммед әл-Судани Швецияның Бағдадтағы елшісі Джессика Свардстремді елден шығару туралы шешім қабылдағанын хабарлады.

Бұған дейін Стокгольм орталығында Құранды өртеу акциясы өткені хабарланған болатын.