Иранда қаза тапқан президент үшін бес күндік аза тұту жарияланды

Ислам революциясының жетекшісі аятолла сейіт Әли Хаменеи президент Ибрахим Раисидің «шейіт» болуына байланысты көңіл айтып, елде бес күндік аза тұту жариялады.

Бұл туралы ирандық Tasnim ақпарат агенттігі хабарлады.

Хабарда айтылғандай, аятолла Хаменеи Иранның бірінші вице-президенті Мохаммад Мохберді атқарушы биліктің басшысы етіп тағайындады.

Аятолла Хаменеи дүйсенбі күні таңғы жолдауында Иранның солтүстік-батысында тікұшақ апатынан президент Раиси мен оның серіктерінің қайтыс болуына байланысты көңіл айтты.