Иранда хиджабқа қатысты жаңа заң кейінге қалдырылды

Тегеран әйелдердің қоғамдық орындарда хиджаб киюін міндеттейтін заң енгізу процесін тоқтатты. Иран президенті Масуд Пезешкян оған вето қойып, Иран парламентінің бастамасын қолдамады, деп хабарлайды Orda.kz. 

Иран наразылықтардан қорқып, ислами киім үлгісін сақтамағаны үшін жазаны қатайтпауға шешім қабылдады. Бұған дейін  жергілікті әйелдердің қоғамдық орындарда міндетті түрде хиджаб киіп жүруі керек болған. Оның үстіне Иранда хиджаб киюден бас тартқандар қазіргі уақытта айыппұл төлеп, түрмеге жабылады. Алайда жаңа заңның енгізілуімен айыппұл көлемін ұлғайтып, қылмыстық жауапкершілікті қатайту көзделген. 

Бірақ бұл бастаманы Иран президенті Масуд Пезешкян қолдамады. Билік жаңа заңның қабылдануы қоғамдағы наразылықты одан әрі өршітіп жіберуі мүмкін деп сескеніп отыр.