Иранда хиджабқа қарсы шерулер тағы да басталды

Хиджаб киюге қарсы акциялар мен наразылық толқыны Иранның барлық қалаларын тағы да шарпыды.

Олар басын дұрыс жаппағаны үшін полициядан таяқ жеп,  кейіннен қайтыс болған күрдістандық 22 жастағы Махса Аминидің өлімінің жылдығына арналды.

Шерулер Тегеран, Мешхед, Ахваз, Лахиджан, Арак және күрдтер тұратын Сенандаж қаласында өтті. Билік қарулы сақшыларды шығарды, полиция Лахижанда наразылық білдірушілерді қудалағаны белгілі.

Бұған дейін марқұм қыздың әкесі Амини Амджадтың ұсталғаны туралы хабарланған болатын. Ол сенбі күні баласымен бірге бірнеше сағатқа қамауға алынды.