Иран жақын арада Израильге соққы жасайды - БАҚ

Вашингтон мен Иерусалимнің жоғары лауазымды шенеуніктерінің айтуынша, Иран сәуір айында Израильге бұрын-соңды болмаған шабуыл жасағанға дейін жасалған қадамдарға ұқсас зымыран және ұшқышсыз қондырғылар дайындады.

Бұл туралы The Times of Israel хабарлайды.

Израильдік журналист Барак Равид хабарлағандай, шенеуніктердің өткен айда Тегеранда Хамас жетекшісі Исмаил Хания өлтірілгеннен кейін Израиль де, АҚШ та Иран қорқытқан жауап шабуылының уақытын дәл болжай алмайтынын атап өтті.

«Ирандықтар өздерінің жария мәлімдемелерінен бөлек, ірі шабуыл жасау ниеттерін анық білдіруде. Олар сәуірдегі шабуыл ауқымынан асып түсуге бел байлауда», - деді Равид Израильдің жоғары лауазымды шенеунігінің сөзіне сілтеме жасап.

Израильге жасаған алғашқы тікелей шабуылында Иран 13-14 сәуірде Израильге 300-ге жуық зымыран мен ұшқышсыз ұшақтар ұшырды, олардың көпшілігін Израиль қорғаныс жүйелері мен олардың одақтастары жойды.