Иран МАГАТЭ-ге мониторинг жүргізуге рұқсат берді

Иран Атом Қуаты Халықаралық Агенттігінің (МАГАТЭ) қызметкерлеріне елдің ядролық бағдарламасын бақылау және тексеру жұмыстарын жүргізуге рұқсат береді.

Бұған қоса, Иран елдегі уранды 84%-ға дейін байыту туралы хабарламасына қатысты МАГАТЭ-мен ынтымақтастыққа дайын екенін білдірді.

«Иран өз еркімен МАГАТЭ-ге одан әрі тиісті тексеру және бақылау іс-шараларын жүргізуге рұқсат береді. Шарттар жуырда Тегеранда өтетін техникалық кездесуде екі жақ арасында келісіледі» делінген МАГАТЭ баспасөз хабарламасында.

Сенбі күні МАГАТЭ бас директоры Рафаэль Гросси агенттік Иранмен бірлескен жан-жақты іс-қимыл жоспарын (ядролық келісім) қалпына келтіруге көмектесетін келісім жасамақшы екенін растады.

МАГАТЭ – БҰҰ-ның 1954 жылғы 4 желтоқсандағы шешіміне сәйкес құрылған халықаралық ұйым. Ол БҰҰ жүйесінің бір бөлігі болып табылады және атом энергиясын бейбіт мақсатта пайдалану саласындағы ынтымақтастықты дамыту өкілеттігін жүзеге асырады.

Бұдан бұрын хабарланғандай, АҚШ Қаржы министрлігі Бушердегі мұнай-химия компаниясы мен 20 ирандық кемені Иранға қатысты қара тізімге қосқан.