Иран Израильге жасаған шабуылынан кейін АҚШ-қа ескерту жасады

Иран Израиль аумағына шабуыл жасағаннан кейін АҚШ-қа да ескерту жасады. Иран АҚШ-қа аймақтық соғыс ашпайтынын, бірақ бұдан былай «біржақты ұстамдылық танытпайтынын» ескертті, деп хабарлайды Orda.kz. 

Таяу Шығыстағы жағдай қайтадан ушықты. Дүйсенбі күні кешке Израиль Ливанда құрлықтағы әскери операция басталғанын жариялаған еді. 

Иран билігі өз үндеуін АҚШ басшылығына Катар арқылы жеткізді. Үндеуде Израильдің кез келген шабуылына Иран «ерекше» жауап беретінін және ол жауаптың Израиль инфрақұрылымының нысандарына да әсер етуі мүмкін екені айтылған.