Иран Израильдің барлық энергетикалық секторына шабуыл жасаймыз деп қорқытты

Иранның рухани көсемі аятолла Әли Хаменеи жұма намазы алдындағы уағызында өткен сейсенбіде Израильге жасалған зымырандық шабуыл Тегеранның Израиль үкіметінің әрекетіне жасаған ең жұмсақ жауабы екенін айтты, деп хабарлайды Orda.kz РИА Новостиге сілтеме жасап.

Хаменеидің айтуынша, Иран өзінің барлық міндеттемелерін күшті және батыл орындайды. Ол өз елін «еш тартынбайды, әрі асықпайды» деп қосты.

Иранның Жоғарғы Көшбасшысы АҚШ-тың Израиль режимін сақтап қалу ниеті Израильді Таяу Шығыс аймағы иелік ететін және АҚШ әлемдік қақтығыстарда пайдаланатын ресурстарды алу құралына айналдырудың бір айласы ғана деп айыптады.

Фадави Иранның көптеген экономикалық орталықтары бар үлкен ел екенін, ал Израильде тек үш электр станциясы мен бірнеше мұнай өңдеу зауыты бар екенін, Тегеранның бір уақытта бәрін нысанаға алуы мүмкін екенін баса айтты.