Иран Израиль шабуылына байланысты БҰҰ Қауіпсіздік кеңесінен шұғыл отырыс өткізуді сұрады

Иранның БҰҰ жанындағы тұрақты өкілдігі ұйымның бас хатшысы Антониу Гутерриш пен Қауіпсіздік кеңесі мүшелерін «нық ұстанымға ие болуға және Израиль режимін сөзсіз батыл айыптауға» шақырды, деп хабарлайды Orda.kz ТАСС-қа сілтеме жасап.

Бұл туралы сенбі, қазанның 26-сы күні Иранның БҰҰ жанындағы тұрақты өкілдігі Амир Саид Иравани таратқан мәлімдемеде айтылған.

Иран «халықаралық құқық пен БҰҰ жарғысын мұндай өрескел бұзушылық жауапсыз қалмайтынын халықаралық қоғамдастыққа жеткізуді» сұрайды.

26 қазанда Израиль қорғаныс күштері «көптеген үздіксіз шабуылдарға» жауап ретінде Иран ішіндегі әскери нысандарға соққы беретінін жариялады.

Иран әуе қорғаныс күштері мәлімдемесіне сәйкес, Илам, Тегеран және Хузестан провинцияларындағы әскери нысандарға шабуыл жасалды, бірақ шығын шектеулі.

1 қазанда Иран Израильге жаппай зымырандық шабуыл жасады. Ислам революциясы Сақшылар корпусы бұл шабуылдың ХАМАС саяси бюросының басшысы Исмаил Хания мен «Хезболла» бас хатшысы Хасан Насралланың қазасына жауап ретінде жасалғанын айтты.

ЦАХАЛ мәліметтері бойынша Израильге қарай 180-ге жуық зымыран атылды, олардың көбін қарсы тарап атып түсірді.