Иракта ДАИШ жетекшісінің орынбасары тұтқынға алынды

Ирак әскерлері ДАИШ лаңкестік тобының (Қазақстанда тыйым салынған террористік ұйым) басшыларының бірін тұтқындады.

Бұл туралы Orda.kz Deutsche Welle-ге сілтеме жасап хабарлайды.

Ирак премьер-министрі Мұстафа әл-Казимидің айтуынша, арнайы операция елден тыс жерде жүргізілген.

– Біздің ISF (Ирак қауіпсіздік күштері) әскері сайлаудың қауіпсіздігін қамтамасыз етуге баса назар аударса, INIS (Ирак ұлттық барлау қызметі) олардың әріптестері Сами Джасимді ұстау үшін күрделі сыртқы операция жүргізді, - деп жазды ол өзінің Twitter-інде.

ئەوكاتەی چاوی قارەمانەكانی هێزە ئەمنییەكان بێداربوون بۆ پاراستنی هەڵبژاردن، باسكە ڕەسەنەكەیان لە دەزگای هەواڵگری پرۆسەیەكی قورسی هەواڵگرییان لە دەرەوەی سنور ئەنجام دا بۆ دەستگیركردنی سامی جەمال ناوێك كە سەرپەرشتیاری دارایی داعش و جێگری ئەبوبەكر بەغدادی گۆڕبەگۆڕە.
بژی عێراق

— Mustafa Al-Kadhimi مصطفى الكاظمي (@MAKadhimi) October 11, 2021

Джасим лаңкестік топтың қаржысын басқарған және АҚШ үкіметі іздеген ең қауіпті лаңкестердің бірі. Айта кетейік, 2015 жылы АҚШ билігі оны ұстағандарға 5 миллион доллар уәде еткен.