Ипотекалық бастапқы жарнадан бас тарту туралы петиция жарияланды

«Әрбір азаматтың бақытты болашағы үшін еліміздегі ипотекалық бағдарламалар бойынша бастапқы жарнаны алып тастаймыз!»

12 маусымда Бастапқы жарнасыз ипотекаға тұрғын үй алу жайлы петиция жарияланды. Қазіргі уақытта  500-ге жуық қол жинады.

Петиция авторы ипотеканың бастапқы жарнасын не үшін алып тастау керек екенінің бірнеше себептерін атап өтті.

• Халық пәтерді жалға алып ипотека жарнасына ақша жинай алмайды.
• 10-20-30 пайыздық бастапқы жарнасы бар ипотекалық бағдарламалар мұқтаж азаматтардың баспана алуын қиындатады.
• Бастапқы жарна әбігершілік тудырып жатыр. Кейбір санаттағы адамдар белгілі бір пункт бойынша өтсе, басқалары өтпей, жыл бойы кезек күтеді, бұл әділетсіздік.

«Ипотекалық несиені беру кезінде қарыз алушының төлем қабілеттілігін ескеру қажет, ал егер азаматтардың төлем қабілеттілігі расталса, бастапқы жарна сияқты кедергісіз баспана беру қажет»,– дейді петиция авторы.