«Интервидение -2025» жарысында Әміре мен Жасмин жетінші орын алды

Байқаудың  негізгі жеңімпазы болып Вьетнам әншісі танылды, деп хабарлайды Orda.kz.

1965 жылы «Евровидениеге» балама ретінде өмірге келген бағдарлама Ресей билігінің бастамасымен  қайта жаңғыртылды.  «Интервидение» байқауы Мәскеуде 20 қыркүйек күні кешке өтті. Оған 22 орындаушы қатысты. Америкалық әнші Vassy сахнаға шықпады. Ресейлік БАҚ-тың хабарлауынша, оған Австралияның билігі тыйым салған, себебі оның осы елде азаматтығы бар.

Байқауда Қазақстан атынан әнші Ернар Садырбаев пен сегіз жасар Жасмин Қайратқызы өнер көрсетті. Олар ақын Саят Рахымжановтың өлеңіне жазылған «Дала таңы» әнін бірге орындады.

«Евровидениеге» қарағанда «Интервидениеде» көрермендер дауыс берген жоқ. Орындаушыларды барлық қатысушы елдердің өкілдері қатысқан қазылар алқасы қарады. Қазылар алқасының дауыс беруі бойынша  Әміре мен Жасмин 339 ұпай жинап, жетінші орынды иеленді.

«Мен бұл жобаға Қазақстанның мәдениетін таныстыру және оның намысын қорғау үшін келдім. Мен тек қана қазақ ән өнеріне қызмет етіп, оған өз өмірімді арнаймын. Барша қазақ халқына көп рахмет!»  деп жазды Әміре өзінің инстаграмдаға парақшасында. 

Байқаудың жеңімпазы вьетнамдық әнші Дык Фук болды, ол «Phù Đ, ng Thiên V, ng» әнін орындап, қазылар алқасының шешімі бойынша 422 бал жинады. Алайда, мұндағы ерекшелік «Евровидениедегі» сияқты жеңімпаз ел келесі байқауды өткізуге міндетті емес. Жүргізушілер 2026 жылы «Интервидение» Сауд Арабиясында өтетінін хабарлады.

«Интервидение» байқауы алғаш рет 1965 жылы Чехословакияда өтті және «Евровидениеге» балама ретінде ойластырылған болатын. Алайда, ол «Евровидение» сияқты ол жүйелі түрде өткізілген жоқ. 2025 жылғы байқау бар болғаны оныншы байқау болып есептеледі.

Еске салсақ, Қазақстан атынан бұл байқауға әнші Әміре (Ернар Садырбаев) қатысты. Ол — «Дарын» мемлекеттік жастар сыйлығының лауреаты және «Славян базары» байқауының жеңімпазы.