Интерпол іздеу салған шетелдік азамат Ақтөбе облысында ұсталды

Ақтөбе облысындағы «Жайсан» теміржол бекетінде халықаралық іздеуде жүрген Өзбекстан азаматы ұсталды, деп хабарлайды Orda.kz.

Молдова Ішкі істер министрлігінің Интерпол Ұлттық орталық бюросы оны есірткіні заңсыз тасымалдағаны үшін іздеуге жариялаған, деп жазады Polisia.kz.

2013 жылы күдікті мен оның сыбайластары халықаралық жолмен есірткі заттарын жеткізуді ұйымдастырған.

Мәлімет бойынша, Молдоваға өтпек болған кезде одан 46 грамм героин табылған. Қазір қолға түскен азамат уақытша ұстау изоляторына қамалды.