Интернет сапасы нашар операторларға айыппұл салынады — Мусин

Еліміздің цифрлық даму, инновациялар және аэроғарыш министрі Бағдат Мусин Қазақстандағы интернет сапасын жақсартуға қатысты ойын білдірді, деп хабарлайды ORDA тілішісі. 

Түркістан облысына сапары кезінді  бірнеше елді мекенде болған Бағдат Мусин интернет сапасына байланысты біраз шағым түскенін йтты.

  —  Бірінші кезекте, Жусансай ауылына бардым.Тұрғындар  интернет жылдамдығының қалай жұмыс істеп, онымен балалардың қалай оқып жатқаны туралы айтып берді. Сол жерде байланыс сапасына өлшедік. Бұл ауыл «250+» бағдарламасы шеңберінде байланыспен қамтамасыз етілген . Өкінішке қарай, оның бәрі тек қағаз жүзіндегі есепте ғана солай болып шықты. Байланыс сапасын жақсарту қажет, - деп жазды Мусин өзінің Facebook парақшасында. 

Өлшеу жүргізілгеннен кейін, құжат толтырылып, сапасыз интернет үшін байланыс операторларына айыппұл салынды. 

— Біз сапаны қолайлы деңгейге жеткізгенге дейін айыппұл салуды жалғастыра береміз. Аталған  ауылдағы интернет  сапасын маусым айына дейін жақсартуға уәде берілді. Бірақ келіссөздер нәтижесінде операторлар сәуір айында барлық мәселелерді  шешуі тиіс деп келістік. Мен байланыс сапасына қойылатын минималды талаптар дұрыс шешім екеніне тағы бір рет көз жеткіздім! Бұйрықта біз жылдамдықтың ең төменгі көрсеткіштерін 3G - 1 мбит/с кем емес, 4G - 5мбит/с кем болмасын  деп белгіледік, - деді Мусин. 

Сондай-ақ, министр операторлар халыққа жылдам  интернет ұсына алмаса, белгіленген заң аясында оларға шара қолданылатынын тағы ескертті. 

— Біз құзыретті мемлекеттік органдармен бірге байланыс қызметтеріне бағаны егжей-тегжейлі талдау бойынша жұмыс жүргізуге дайынбыз, - деп мәлімдеді ол.