Instagram блогерлер Борейко, Бокаев және Ниязовтың жарияланымдарын жойды

Демалыс күндері Instagram желісінде журналист Вадим Борейко мен белсенді Санжар Бокаевтың аккаунттарындағы барлық жарияланымдар жойылды. Журналист Асхат Ниязовтың аккаунты да қол жетімді емес. Бұл туралы өзінің инстаграмында құқық қорғаушы Бақытжан Төреғожина айтып берді, деп хабарлайды Orda.kz.

Вадим Борейко өзінің фейсбук парақшасында сенбі күні оның Instagram профиліндегі барлық контент жоғалып кеткенін жазды. Ол әлі де тіркелгіге кіре алады, бірақ бет толығымен бос болып шыққан.

Ол өткен жылы да TikTok аккаунты жойылғанын еске салды. Борейконың айтуынша, соңғы айларда Instagram және Facebook оның ескі посттарын өшіріп, «ақылға қонбайтын бұзушылықтарды» көрсеткен.

Асхат Ниязов бұған дейін де әлеуметтік желілерде оқшауланған болатын. Өткен жылдың күзінде оны Алматы әкімдігімен қақтығысқа байланысты полиция ұстаған еді.

Қоғам қайраткері Санжар Боқаев жемқорлықтың небір құйтырқы түрін ашқан бейнероликтерін жариялайды. Сондай-ақ, ол кәдеге жарату бойынша қатаң ұстанымымен де танымал. Оның тіркелгісіндегі барлық жарияланымдар жойылған.

Еске салайық, қазан айының соңында «Орда» сайтының бас редакторы Гүлнәр Бажкенованың Facebook парақшасы өшірілді, «себебі» - ол өзін басқа адам ретінде танытқан.