inDrive Қазақстанда IT университетін ашуды ұсынды

Премьер-министр Олжас Бектенов пен inDrive негізін қалаушы Арсен Томский еліміздегі цифрлық индустрияның дамуын талқылады, деп хабарлады Orda.kz.

Үкіметтің мәліметінше, Арсен Томский премьермен кездесуде Қазақстанда 400 орындық «inVision» университетін ашуды ұсынған.

«Университет IT, білім, ғылым, өнер және басқа да бағыттар бойынша мамандар даярлайды»,  деп хабарлады үкімет.

inDrive басшысы компания мегаполистерде ауа сапасын жақсарту бойынша міндеттерді өзіне алуға дайын екенін жеткізді. Премьер-министр мемлекеттік органдарға экологиялық жобаны қолдауды тапсырды.

inDrive Қазақстанның платформалық еңбек нарығын қолдайтынын атап өтті.

Еске сала кетсек, Orda.kz көлік министрі Марат Қарабаев оң жақ рөлі бар көліктермен күрес жайлы айтқанын жазған болатын. Сондай-ақ тамыз айында InDrive және Yandex 1 қаңтардан бастап оң жақты басқарумен жүргізілетін көліктерді тіркеуді тоқтататыны белгілі болды.