Индонезияда қоқыс полигоны опырылып, жеті адам қаза тапты

Индонезияда Джакарта қаласының маңында қоқыс полигонының опырылуы салдарынан кемінде жеті адам қаза тапты. Бұл туралы жергілікті құтқару агенттігінің басшысы Десиана Картика Бахари мәлімдеді, деп хабарлайды Orda.kz РИА Новости-ге сілтеме жасап. 

Қоқыс полигонының опырылуына жексенбі күні жауған жаңбыр әсер еткен. Қатты нөсер салдарынан елдегі ең ірі полигондардың бірінде қоқыстың үлкен бөлігі сырғып кеткен.

Құтқарушылар қоқыс астынан жеті адамның денесін тапты. Қаза тапқандардың дені жүк көлігінің жүргізушілері. Сонымен қатар полигон аумағында шағын азық-түлік дүкендерінің сатушылары да көз жұмды.

Іздеу жұмыстарына 200-ден астам құтқарушы қатысып, үйінді астындағы адамдарды анықтау үшін экскаваторлар мен жылу камерасы бар дрондар қолданылған.

Бантарагебанг полигоны шамамен 110 гектар аумақты алып жатыр. Ол жерге күн сайын 6,5–7 мың тоннаға дейін қоқыс төгіледі. Бұл — Индонезиядағы ең ірі қоқыс полигоны.

Оқи отырыңыз:

• Қарағанды тұрғындарына 3,1 миллиард теңгеден астам қаражат қайтарылады
• Эвакуация басталғалы Таяу Шығыстан 8585 қазақстандық елге қайтарылды
• Ормуз бұғазы арқылы бір литр де мұнай өтпейді — Иран