Индонезияда екі пойыз соқтығысып 14 адам қаза тапты

Индонезияда Бекаси қаласының шығыс бөлігіндегі (Джакарта маңы) станцияда қала маңы электр пойызы мен алыс бағыттағы пойыз соқтығысты. Қаза тапқандар бар, деп хабарлайды Orda.kz Kompas.com сайтына сілтеме жасап.

Апат салдарынан 14 адам көз жұмды. Мәйіттердің кімге тиесілі екені анықталып жатыр. Тағы 84 адам түрлі деңгейдегі жарақат алып, медициналық мекемелерге жеткізілді.

Оқиға 27 сәуір кешке болған. Соқтығысудан кейін бірден құтқару қызметтері жолаушыларды эвакуациялап, зардап шеккендерге көмек көрсете бастады. 

Теміржол компаниясының өкілдері қаза тапқандардың отбасыларына көңіл айтып, қазіргі басты міндет – жараланғандарды емдеу және олардың туыстарына ақпарат беру екенін мәлімдеді. Жараланғандарды емдеу мен қаза тапқандарды жерлеу шығындары толық өтелетіні хабарланды.

Оқиға орнында жолаушылардың туыстары үшін ақпараттық пункт ұйымдастырылды. Апат болған станция уақытша жабылып, бұл аймақта пойыз қозғалысы шектелді.

Antara агенттігінің хабарлауынша, Индонезия президенті Прабово Субианто пойыздардың соқтығысуы бойынша шұғыл тергеу жүргізуді тапсырды. Ол үкімет апаттың нақты себептерін анықтауға міндетті екенін атап өтіп, медицина қызметтеріне барлық аман қалған адамдарға толық айыққанша сапалы ем көрсетуді жүктеді.

Оқи отырыңыз:

• Алматыда алаяқтық мақсатымен 4 млн қоңырау шалған қылмыстық топ ұсталды
• Ұшқышсыз ұшу аппараттары мен әуе кеңістігін пайдалану қатаң бақыланады
• Елімізде балалардың атына жеке кәсіпкерлік рәсімдеуге болады