Индонезияда екі қазақстандық азамат өлім жазасына кесілуі мүмкін

Индонезияда есірткімен айналысқан екі қазақстандық ату жазасына кесілуі мүмкін, деп хабарлайды Orda.kz.

Associated Press мәліметінше Индонезия билігі соңғы екі айда жүргізілген ауқымды операция нәтижесінде 285 адамды есірткі саудасына қатысы бар деген күдікпен ұстағанын хабарлады. Олардың ішінде 29 әйел мен 7 шетелдік азамат бар. 

Агенттік төрағасының орынбасары Буди Вибовоның айтуынша, операция барысында 683 келіден астам метамфетамин, марихуана, экстази, гашиш және амфетамин тәркіленген. Оның сөзінше, бұл көлемдегі есірткіні айналымнан алып тастау 1,3 миллионнан астам адамды уланудан сақтап қалуға мүмкіндік берген.

Сонымен қатар, тізімде АҚШ, Малайзия, Үндістан және Австралия азаматтары да бар.

Айта кетейік, есірткі тасымалдаушыларға ату жазасын қарастыратын есірткіге қарсы заңнамаға қарамастан  Индонезия Оңтүстік-Шығыс Азиядағы есірткі таситын маңызды транзиттік жол торабы болып отыр.

Еске сала кетейік, Қазақстанды «секс-туризм» елі ретінде таныстырғаннан, әрі шетелдік сауатсыз студенттер гид болғандықтан халықаралық аренада беделімізге нұқсан келгені жайлы Екатерина Смолякова айтқан еді. Ол осы туралы Олжас Бектеновке депутаттық сауал қойды.