Иманғали Тасмағамбетов Ресейде ксенофобияның белең алғанын атап өтті

Иманғали Тасмағамбетов Крокус Сити Холлдағы лаңкестік әрекет салдары Ресейдің ұлттық және көші-қон саясатына әсер етуі мүмкін екенін ескертті.

Ұжымдық қауіпсіздік шарты ұйымының бас хатшысы Иманғали Тасмағамбетов лаңкестердің мақсаты Ресей үкіметі мен оның қоғамдық қауіпсіздік мәселесіне үрей ұялатып, теріс көзқарас тудыру екенін атап өтті. Оның пікірінше, шабуылдаушылар Ресей мен Орталық Азия елдерінің қарым-қатынасына нұқсан келтірмек болған.

«Егер Орталық Азия елдерінен келген еңбек мигранттарына қысым жасайтын қадамдар жасалса, бұл олардың жаппай кетуіне себеп болады. Мәселе, әрине, бұл жұмысшылардың объективті тапшылығы бар Ресей экономикасының жекелеген салаларына кері әсер етуінде ғана емес, ең алдымен, орталық Азия  елдеріндегі орысфобиялық және антиресейлік көңіл-күйді ынталандырады»,- деді ҰҚШҰ Бас хатшысы.

Ол ресейлік қоғамның бір бөлігінің реакциясы «екіжақты және көпжақты қарым-қатынастар аясында көші-қон саясатын үйлестіру процесіне барлық қатысушылардың белгілі бір кемшіліктеріне» себеп болғанын атап өтті.

Тасмағамбетов сондай-ақ Ресей Федерациясындағы лаңкестік әрекетті қабылдау ұлттық жаңғырумен, Орталық Азия елдерінің қоғамдық өмірінің, тілі мен әдет-ғұрпының өзектілігімен байланысты деп санайды.

ҰҚШҰ Бас хатшысы Одақ елдері жұртшылығына болған оқиғаның нақты мән-жайын түсіндіру үшін қосымша шаралар қабылдауды талап етуде. Ол Еуразия халықтары арасындағы тату көршілік қарым-қатынасты сақтау үшін нәзік және ойластырылған саясатты енгізу қажеттігін айтады.

Қалыптасқан дағдарыс Орталық Азияның бірқатар елдерінде осындай проблемалар тудыруы мүмкін, деп түйіндеді Тасмағамбетов.