Иманбек Роза Рымбаеваның айтқан сынына жауап берді

Қазақстандық ди-джей Иманбек Роза Рымбаеваның шығармашылығы мен Грэмми сыйлығы туралы айтқан сынына жауап берді.

Бұл туралы Orda.kz хабарлады.

Instagram әлеуметтік желісіндегі effectiverecords парақшасы жүргізген тікелей эфирде жүргізуші Иманбекке Роза Рымбаеваның айтқан сынына көзқарасын сұрады.

– Біріншіден, ол ересек адам. Аға буын. Мен оны ешқашан жамандаған емеспін. Тіпті, дауласпаймын да, ол оның ойы. Мен тыңдап, оның айтқанын түсіндім. Бар болғаны осы, - деді Иманбек.

Еске салсақ, бұған дейін Роза Рымбаева өз сұхбатында жас танымал ди-джей туралы сөз қозғаған. Ол «Қазір қайда? Енді не болады?» деген.

– Біріншіден, оның жәй ғана жолы болды. Керек кезінде - керек жерден табылды. Оның жолы болып кетті. Ол кәсіби музыкант емес. Тек қана келген бақты ұстап алды, болды. Жәй ғана ритм мен стилін өзгерткен, оның барлығы компьютерде жасалады. Жазғаны ремикс ретінде бағаланды, ол автор, орындаушы немесе автор-өңдеушә емес. Жоқ, ол жәй ғана жылдамдықты күшейтті, содан балалар әні сияқты болып, оның ырғағы өзгерді, - деді Рымбаева сұхбатында.