Иманбек пен Моргенштерннің жаңа ремиксі жарияланды

Желіде желдей есіп кеткен Leck трегіне жазылған Иманбек пен Моргенштерннің бұл ремиксі жанкүйерлердің көңілінен шықты.

Әлемге танымал қазақстандық DJ Иманбек америкалық рэпер Fetty Wap және Моргенштернмен бірігіп жазған жаңа ремиксі көпшілікке тез таралуда.

Бірлесе жазылған трек Leck деп аталады. Тректің релизі 30 сәуірде жазылған, ал 6 тамызда команда осы трекке жаңа ремикс шығарған. Тректің жаңа нұсқасы YouTube-те 11 миллионнан астам қаралым жинап үлгерді.  

20 жастағы диджей Иманбек Зайкенов – «Грэмми» сыйлығын алған алғашқы отандасымыз. Ол SAINt JHN орындаушысының Roses композициясына жасаған ремиксі үшін марапатталып, танымал болды.

Оған дейін Иманбек Ақсу стансасында қарапайым теміржолшы болып жұмыс істеген. Ең қызығы ол  музыканы ол өз бетінше үйреніп алған.