Иманбек Моргенштренмен және Fetty Wap-пен трек жазды

Иманбек Моргенштернмен және американдық рэпер Fetty Wap-пен трек жазды, деп хабарлады Orda.kz.

Бірігіп жасалған трек Leck деп аталады. Ол 30 сәуірге қараған түні шықты.

YouTube-те тректі 450 мыңнан астам көрермен көріп үлгерген.

Бірлескен трек туралы жаңалық әртістердің жанкүйерлерін қуантты. Иманбектің Instagram-да қолданушылары оны жаңа туындысымен құттықтады.

Өз кезегінде Моргенштерн өз парақшасында: «Иманбек, бір аптадан кейін екінші Грэммиге барамыз» деп жазды.

20 жастағы диджей Иманбек Зейкенов беделді Грэмми байқауына ұсынылған алғашқы қазақстандық болды. Ол SAINt JHN «Roses» ремиксіне жүлде алды. Атағы шығар алдында Иманбек Ақсуда теміржолшы болып жұмыс істеген.