Иманғали Тасмағамбетов жаңа қызметке тағайындалды

Қазақстан Гольф федерациясы Қазақстанның бұрынғы премьер-министрі Иманғали Тасмағамбетовті жаңа президент етіп сайлады. Бұл туралы федерацияның баспасөз қызметі хабарлады.

Иманғали Тасмағамбетов 1956 жылы Атырау облысының Махамбет ауданында дүниеге келген. М.Өтемісов атындағы Батыс Қазақстан мемлекеттік университетін «география және биология пәнінің мұғалімі» мамандығы бойынша бітірген.

Тасмағамбетов президент көмекшісі, Атырау облысы, Алматы және Астана әкімі, премьер-министр, Мемлекеттік хатшы, Қорғаныс министрі лауазымдарын атқарған. 2016 жылғы қыркүйектен бастап премьер-министрдің орынбасары болып жұмыс істеді, кейін Ресейдегі елші болды.