Иманғали Тасмағамбетов «Камаз» директорлар кеңесінен шығарылды – дереккөз

Бұрынғы премьер-министр, Қазақстанның Ресейдегі экс-елшісі Иманғали Тасмағамбетов «КамАЗ» жария акционерлік қоғамының директорлар кеңесінен шығарылды.

Бұл туралы «YEDILOV ONLINE» telegram-арнасы хабарлайды.

«Кейбір дереккөздерге сүйенсек, Иманғали Тасмағамбетов «Камаз» ЖАҚ директорлар кеңесінен бір ай бұрын шығарылды» делінген хабарламада.

Бұл туралы әзірге ешқандай ресми мәлімдеме жоқ.

Еске салсақ, Иманғали Тасмағамбетов ресми түрде 2001 жылдың 4 маусым күні директорлар кеңесінің мүшесі, «КамАЗ» тәуелсіз директоры болып сайланды.

Тасмағамбетов әр уақытта Қазақстанда президент әкімшілігі басшысының орынбасары және президенттің бірінші көмекшісі қызметтерін атқарды. 2002 жылы премьер-министр, 2003 жылы мемлекеттік хатшы болып тағайындалды. Кейін Алматы қаласының әкімі (2004-2008), Нұр-Сұлтан әкімі (2008-2014) болды.

2014 жылғы 22 қазанда Қазақстанның қорғаныс министрі болып тағайындалды. 2016 жылдың 13 қыркүйегінде премьер-министрдің орынбасары болды. Тасмағамбетов 2017 жылдың 3 ақпанынан бастап Ресейдегі төтенше және өкілетті клші қызметін атқарды.

2019 жылдың желтоқсанында Иманғали Тасмағамбетов зейнеткерлік жасқа толуына байланысты Ресейдегі елші қызметінен босатылды.