Илья Ильин ауыр атлетика федерациясын басқаруға ниетті

Қазақстанның еңбек сіңірген ауыр атлеті Илья Ильин Қазақстан Республикасы Ауыр атлетика федерациясы президенттігіне кандидатурасын ұсынды.

25 қаңтарда Мәдениет және спорт министрлігінің алқа мәжілісінде саланың түйткілді мәселелерін айтып, өз тәжірибесімен бөлісті. Оның айтуынша, федерация екі жылдан бері «түсініксіз жағдайда» тұр, әлі президент жоқ.

- Бір жарым жыл бұрын мен менеджер болып кірген кезде жаттықтырушылармен сөйлестім, үлкен мәселелер болды, дау болды. Жігіт асылып өлген жағдай болды… Қиыншылықтар болғандықтан психологтар керек екенін барынша алға тарттым, команда қоюға міндеттіміз дедім. Сосын екіге, сосын үшке бөліндік. Жаттықтырушылармен сөйлесіп, спортымызға балта шаппау үшін жеті сағат бойы аймақтарды аралауға тура келді, - дейді спортшы.

Ильин жаттықтырушылар мен функционерлер бір команда болып жұмыс істеуі, федерацияның мәселелерін бірлесіп шешуі қажет екенін атап өтті. Ол Премьер-Министрдің орынбасары Алтай Көлгінов пен Мәдениет және спорт министрі Асхат Ораловқа жүгінді.

- Мен дайынмын, командаммен федерацияны өз қолыма алуға дайынмын. Иә, менде миллиондар жоқ, мен бай адам емеспін, бірақ мен бұл спорттың қыр-сырын білемін. Қолдау көрсетіңіз, мақсат қойыңыз, Олимпиада чемпионын таңдайық. Инфрақұрылымды, жағдайды өзгерту керек, ол әрең тұр, - деп қорытындылады Ильин.

Асхат Оралов бұл мәселені бөлек талқылау керек деп қана жауап берді.