Илон Маск тарихтағы алғашқы триллионер атануы мүмкін

SpaceX компаниясының IPO-сы (акцияларын биржаға алғаш рет орналастыру) Илон Маскты триллионер мәртебесіне жақындатып отыр, деп хабарлайды Orda.kz.        

Компания акцияларының орналастыру бағасы бір акция үшін 135 доллар деңгейінде белгіленген, деп The Washington Post басылымы жазды.

Ашық деректерге сәйкес, SpaceX компаниясының шамамен жарты акциясы Маскке тиесілі. Бұған қоса, болашақта алуы мүмкін акциялары да есепке алынған.

IPO бағасына сүйенсек, Маскке тиесілі SpaceX акцияларының құны шамамен 867 миллиард доллар болған. Ал оның Tesla компаниясындағы үлесін қосқанда, екі компаниядағы акцияларының жалпы құны 1,1 триллион доллардан асады.

Дегенмен, басылымның түсіндіруінше, SpaceX Маскке ірі акция пакеттерін белгілі бір шарттар орындалған жағдайда ғана толықтай береді. Атап айтсақ, компания құнын айтарлықтай өсіру.

Масктың басты мақсаттарының бірі — Марста адамдар өмір сүретін колония құру. Егер осы шартты акцияларды есепке алмаса, қазіргі таңда Илон Маскқа триллионер атану үшін аз ғана қаражат жетпей тұр екен.

Оқи отырыңыз:

• Илон Маск байлығы 800 млрд-тан асқан тарихтағы алғашқы адам
• Илон Маск Ай мен Марсқа қала салуды жоспарлап отыр
• Илон Масктың анасы қазақ қызының тұсауын кесті