Илон Маск неліктен Twitter-ді сатып алу туралы шешім қабылдағанын түсіндірді

Америкалық кәсіпкер және SpaceX негізін қалаушы Илон Маск Twitter әлеуметтік желісін қандай мақсатта сатып алғысы келетінін мәлімдеді.

Айтуынша, ол мұны пайда үшін емес, халық сенетін платформа жасау үшін алғысы келеді екен.

— Мен Twitter-ді ақша үшін алмаймын. Бірақ менің ойымша, адамдарда идея алмасу үшін ең сенімді және инклюзивті құрал болуы маңызды, - деді бизнесмен Financial Times газетіне берген сұхбатында.

Илон Маскқа сұхбат берген журналист оның Twitter-ге  «қатты құмар» екенін, тіпті оны сатып алмақшы болғанын, бірақ бұл қиындық деңгейін арттыратынын айтты.

— Мен Twitter-де әзілдеймін, жиі өзіме түрлі қиындықтар туғызамын. Менің ойымша, Twitter-де өзін-өзі ақылды қылып көрсетудің өзі ақымақтық. Бұл тек хабарды көпшілікке жеткізудің бір ғана жолы, - деп қосты Маск.

Еске салайық, 5 қазанда Маск Twitter-ге әлеуметтік желіні акциясы үшін бастапқы құны 54,2 доллардан сатып алу мәмілесін қайта бастауды ұсынған. Twitter компанияны сату туралы келісті. Кейінірек миллиардер Twitter-ді сатып алатын күн аталды.