Илон Маск Қытай билігімен дерек тасымалдауды талқылады

Tesla және SpaceX негізін қалаушы, миллиардер Илон Маск Қытай Мемлекеттік кеңесінің премьері Ли Цянмен және басқа да ресми тұлғалармен кездесті.

Бұл туралы Reuters хабарлайды.

Тараптар Қытай нарығына автономды көліктерге арналған бағдарламалық қамтамасыз етуді енгізу, сондай-ақ деректерді шетелге тасымалдауға рұқсат беру мәселелерін талқылады.

«Премьер Ли Цянмен кездесу мен үшін үлкен мәртебе» деп жазды Маск өзінің X аккаунтында.

Кездесу барысында Ли Цян Маскқа Тесланың Қытайдағы дамуын АҚШ-Қытай экономикалық және сауда ынтымақтастығының сәтті үлгісі ретінде қарастыруға болатынын айтты.

2018 жылы Tesla Қытай билігімен Шанхайда АҚШ-тан тыс жерде бірінші болып зауыт салу туралы келісімге қол қойды.

Автокөлікке арналған Full Self-Driving (FSD) бағдарламалық жасақтамасы төрт жыл бұрын шығарылды, бірақ ол тұтынушылардың сұрауларына қарамастан Қытайда қол жетімді емес. Илон Маск автопилот бағдарламасы жақын арада қытайлық тұтынушыларға қолжетімді болады деп уәде берді.