Илон Маск : Қазақстанда да Tesla пайда болады

Америкалық миллиардер және Tesla компаниясының негізін қалаушы Илон Маск Қазақстанда электромобильдер пайда болатынын мәлімдеді деп жариялады Прайм.

Илон Маск көп ұзамай ТМД елдерінде, оның ішінде Қазақстанда Tesla электромобилдерінің пайда болатынын мәлім етті. Бұл туралы ол  ресейлік «Жаңа білім»  марафонында видеобайланыс арқылы сөйлеген сөзінде айтты.

 — Менің ойымша, біз жақында Ресейге барамыз,  Tesla жақын арада Ресейде пайда болады, бұл таңқаларлық жағдай деп ойлаймын. Оған қоса, Қазақстан, ТМД елдерін саралап, жағдайды ауқымды, әрі кеңінен алу қажет, – дейді Маск.

Маск электромобильдер шығаратын зауытын Ресейде орналастыруды жоспарлауда. Оның айтуынша, мұндай зауыттың бірі Шанхайда салынған және қазір Tesla басшылығы тағы да әлемнің басқа бөліктерінде де дәл осындай зауыттар ашуға ниетті.

— Біз әлемнің басқа аумақтарында да зауыттарымыздың болғанын қалаймыз, қазір Ресейді қарастырып жатырмыз, – деп қосты ол.

Бұған дейін Қазақстанның цифрлық даму, инновациялар және аэроғарыш өнеркәсібі министрі Бағдат Мусин еліміздің  Илон Масктың SpaceX компаниясымен келіссөздер жүргізіп жатқаны туралы хабарлаған болатын.

Сондай-ақ , министрліктің мақсаты – Қазақстандағы әрбір елді мекенді интернетпен қамту. Телепорт станциясын Алматы маңында орналастыруға және бес елді мекенді тестке қосуға алдын ала келісімдер жасалды.