Илон Маск Америка азаматтығынан айырылып қаламын деп қорқады

Бизнесмен әрі миллиардер Илон Маск Республикалық партиядан үміткер Дональд Трамп президенттік сайлауда жеңіске жетпесе, АҚШ үкіметі кек ала ма деп қорқатынын білдірді, деп хабарлайды Orda.kz.

X әлеуметтік желісінде (бұрынғы Twitter) бір қолданушы Трамп жеңіліп қалса,  АҚШ билігі кәсіпкерден кек алуы «мүмкін жағдай» ретінде сипаттады. Сондай-ақ, қолданушы хабарламаға Wired жаңалықтар сайтының 31 қазандағы мақаласын тіркеп, Масктің иммиграциялық құжаттарының «жалғандығы» анықталса, ол АҚШ азаматтығынан айырылуы мүмкін деп мәлімдеді.

Айта кетейік, Илон Маск АҚШ-та 5 қарашада өтетін президенттік сайлау алдында 1 миллион доллар көлемінде күн сайынғы ұтыс ойыны басталғанын хабарлаған болатын. Алайда кейін ол «заңсыз лотерея ойнады» деген айыппен сотқа тартылды.