Илон Маск АҚШ президентінің орнына «қонжиды»

Оны Time журналы жаңа санының мұқабасында осылай таныстырды, деп хабарлайды Orda.kz.

Миллиардер сопақ кабинеттегі жұмыс үстелінде АҚШ туы мен президенттік тудың фонында суретке түскен.

Мақалада SpaceX негізін қалаушының АҚШ президентінің әкімшілігіне әсері, басылым «крест жорығы» деп атаған USAID-пен қақтығыс, сондай-ақ миллиардер бүгінде көшбасшы ретінде әрекет ететін Үкіметтің тиімділігі департаментінің (DOGE) АҚШ цифрлық қызметін бақылауға алғаны туралы айтылады.

Таймның атап өтуінше, Маск «үкіметті өзінің күн тәртібіне сәйкес келтіруге үлкен мандат берген президенттен басқа ешкімнің алдында есеп бермейді».

Масктың мәлімдемелері Демократиялық партия өкілдерінің алаңдаушылығын тудырды. 5 ақпанда АҚШ-та жаңа Трамп әкімшілігінің алғашқы әрекеттеріне және Масктың тағайындалуына, тағы басқаларға қарсы жаппай наразылықтар өтті.

Демонстранттар иммиграциялық қысымды, трансгендер құқығының қайтарылуын және Палестиналықтарды Газа секторынан мәжбүрлеп қоныстандыру туралы ұсыныстарды айыптады.

Илон Маск ресми түрде АҚШ президентінің жанында арнайы мемлекеттік қызметкер ретінде жұмыс істейді.

Бұған дейін миллиардер USAID-ті «COVID-19 дамуын қаржыландырды» деп айыптаған болатын.